18:44:02 - پنج‌شنبه 12 اکتبر 2017
(قیزیل آلما) میللی یول اؤچؤن آماج دیر
احمد حبیبی   قیزیل آلما میتولوژیک آچیدان تؤرك لر، خصوصا اوغوز تؤرکلرینین بیر داها اؤز توپراقلارینین و ایقتیدارلارینین گئری آلینماسیندا ،آغیر و بؤيؤك موجادیله آپاریب و قازانمالارینا قاییدیر،یانی اوغوز تؤرك لری ظؤلؤم ،دیدرگینلیک،و باشقا خلق لرین کؤله لری اولماقی قبول ائتمییب،چالیشیب و قیزیل آلما سؤيلمي ایله ،قازانجا یئتیشیب لر. بونون اؤچؤن یئنی دؤنمده ده یئنه […]

احمد حبیبی

 

قیزیل آلما میتولوژیک آچیدان تؤرك لر، خصوصا اوغوز تؤرکلرینین بیر داها اؤز توپراقلارینین و ایقتیدارلارینین گئری آلینماسیندا ،آغیر و بؤيؤك موجادیله آپاریب و قازانمالارینا قاییدیر،یانی اوغوز تؤرك لری ظؤلؤم ،دیدرگینلیک،و باشقا خلق لرین کؤله لری اولماقی قبول ائتمییب،چالیشیب و قیزیل آلما سؤيلمي ایله ،قازانجا یئتیشیب لر.
بونون اؤچؤن یئنی دؤنمده ده یئنه ده بو آنلام و قاورامی زامان عاغیلجیلیغیلا گلیشدیریب و بیر دیالکتیک ایله ،اودوزماقلاردان قورتولماق اولار.
هر اینسانین ،خلقین و یا میلتین تاریخسل اولاراق بیر پارا واراولوش سال(هستی شناختی) تهدید لرله قارشی قارشییا دیر ، بؤتؤن اینسانلار طبیعی و ایکتیسابی اولاراق اؤزلرينی ساوونماغا ،گئلجک اؤچؤن پروقراملار حاضیرلاییب،گلیشیب و حصریسیز و حدود سوز ترقی ائتمک اؤچؤن حاققا صاحیب دیرلر.
بؤتؤن اینسانی و طبیعی بیلملر تاریخسل اولاراق بؤتؤن اینسانلارا و میلت لره بونو آنلادیب و آنلادیرلار کی هر ایش اؤچؤن کؤلتؤرل زمین اولوشدوغو زامان ،مدنییت پارچالاری او جؤمله دن ،دیل ،ایقتیصاد،سییاست ،توپلوم ،و…اولوشوب و گلیشیبلر .
مدنییتین کؤكؤ کؤلتؤره دایالی دیر،بونون اؤچؤن هر نه دن اؤنجه ایصالت کؤلتؤرؤن دیر و ،کؤلتؤر هر نئیین تملی و بئینی دیر.
قیزیل آلما تؤركلرین گئچمیش دؤنملر ده کی مشروع و مقبول مدنییت و کؤلتؤرلرينه یئتیشیب ،گلیشدیرمک و ترقی ائتمک اؤچؤن بیر یول خریطه سی اولوب .
قیزیل آلما ، مؤستقيل عاغیلجیلیغا ،تاریخسل یاشاما،واراولوشسال اینانجا دایالی اولاراق ،ایرلی حرکت ائدجک.
بو گؤنده قیزل آلمايا اينانلار ، کیملیکه ،وارلیقا و دیله کی بؤتؤن مدنییت لرین تاریخ بویو تملی اولوب ،دیر وئریب،ساوونوب و او آنلاملاری و قاورام لاري گلیشدیرجک لر.
قیزیل آلما میللی سمبل دیر ،میللی آماج دیر .

منبع:
GAMOH GAMOH GAMOH گاموح GAMOH GAMOH